قصه صارت معي .....هه

الموضوع في 'شباب تامر ستار' بواسطة cool_ghassan, بتاريخ 26-05-2011.

  1. cool_ghassan عضو جديد

    هاد صارت معي قصة
    صراحه هيه هبله شوي اولها
    وانا ما كنت بدي احكيلكم بس لما الموضوع بجد صار حلو .. وكلو صدف ..

    لهيك يلي مستعجل .. ممم يروح يرجع بوقت تاني
    ويلي مش مستعجل .. يكمل معي


    ..


    قبل شي اسبوعين كنت بالمحل المسا ..
    خلصت شغلي واخذت غراضي وسكرت هالمحل وروحت ..
    وبالفعل ماشي بهالسيارة وبغني .. سواح وانا ماشي لحالي سواح .. والاشارة قبالي سواح ..

    المهم وانا بالسياره بالطريق ..
    قبل الاشارة يلي بشارع بشوي ..
    الا ايييييه .. شو هااااد .. !!

    شفتلكم سياره واقفه بكراج .. ومحطوط جنبها لافته ..
    طبعا المنطقة شوي معتمة .. وجنبو بشوي محل قهوة
    وبما اني مش حشري نهائيا ومنظر الافته .. مش ملفت للنظر نهائيا
    وقفت هالسيارة .. ونزلت .. وقفت جمب اللافتة .. مكتوب عليها

    ( الرجاء عدم الخربشة على السيارة )

    يعني شو الرجاء عدم الخربشه ع السيارة ... ما فهمت ليش المغزى اصلا .. المهم محسوبكم
    حب يرد ع الزلمه .. جبت من السيارة .. قلم خطاط من يلي بحبو قلبك ..
    وكتبت ع بوز السيارة .. بخط كبير ..

    ( ابشر طال عمرك )

    وشغلت سيارتي وروحت ع بيتي ..

    تاني يوم ..
    ما الكم بطول السيرة ..
    باليل سكرت وبرضو بدي اروح ع البيت ..
    بالفعل اطلعت بهالسياره
    وماشي بالطريق .. بالصدفه اتذكرت اني مش شاري دخان ..
    نزلت عند القهوه يلي جنب الافته ..

    وانا بشتري اتذكرت اللافته ..

    قلت اروح اشوف شو صار .. هههه ( فايق ورايق ..شغل نكشات وهبل الله وكيلكو )
    والله وقربت ع السياره ..
    لقيتلكم الكلام ممسوح .. والافته زي ما هيه ..

    بيني وبينكو انبسطت انو وصلتو رسالتي .. وانو حسيت حالي بعمل دردشه من نوع جديد
    والله جبت هالقلم الخطاط ..
    وكتبتلو ع شباك السيارة ..

    ( من عيوووووني ما رح نخربششش )

    وشغلت السياره و ع البيت ..

    الله وكيلكو كل يوم صرت اروح الاقي الكلام محذوف واللافته موجوده ..
    ضليت كل يوم اكتبلو كلام حلو واغازلو .. مطيع انا

    المهم بيوم كنت طالع الصبح ع المحل بكير شوي ..
    امرلكم من الشارع .. بنفس الوقت طالع الزلمه من بيتو بدو يركب السياره
    الشي الحلو يلي ضحكني .. انو حامل شريطة حاطها ع كتفو ..
    هههههه عارف اني مخربشلو .. حفظني هههه

    المهم مر اسبوع ونص كل يوم نفس الشي ..

    لغاية يوم ..
    باليل بسكر بالمحل .. باخد مفاتيح السياره بكيت الدخان وما بنسا القلم ..
    صار شي روتيني كل يوم احملو زيو زي اي شي ضروري هههه

    المهم سكرت هالمحل ..
    وماشي بهالسيارة ..

    طبعا هو مش بعيد كتير عن محلي يعني شارع ..
    وانا اقدم بالسياره قبل ما اوصل الافته ..
    بمشي ع مهلي اتفقد الوضع ( مش عارف ايش يلي جابرني هههه )

    الا ايييييييييييييه

    المح واحد متخبي عند السياره ..
    مبين متخبي وراها .. شكلو براقب ..
    ( متخبي ومبين ههه ما حد يسالني كيف )

    طيب شو هالزناخه هاي .. ايش بدي اعمل انا ..
    نعسان وبدي اروح ع بيتي .. وبرضو كيف ما اكتبلو !!
    تعودت .. اكتبلو كل يوم ..

    افكر افكر ..
    والله واصف السياره واسكرها .. وانزل مشي
    صرت امشي شوي شوي اقرب عليه ..
    عامل حالي رايح ع القهوه ..
    المهم وصلت القهوه ..
    وشريت دخان وقهوه وقعدت احكي مع الشب يلي ببيع ..
    ساعه .. ساعتين .. مش راضي يروح يلي متخبي وانا نعست ..
    ( شو جابرني مش عارف )

    ساعتين وربع تقريبا .. الزلمه فقد الامل هههه
    قال هاد اليوم ما رح يجي ..
    بس ع ميييييييييين

    فات المسخمط ع البيت مرتاح البال ..
    واول ما راح ..
    اطول هالقلم من جيبتي ..
    واروح اكتبلو ع شباك السيارة ..

    ( يا رب تضل هيك ما حد يكتب عليها )

    وأخدتها ركاض للسياره .. رشيق رجعتلي الروح هههه
    .. و على البيت انام ..

    ..

    المهم انا لهون لسا عادي الموضوع .. ما كنت بدي احكيلكم ..
    بس بجد صار شي حلو .. يعني بالصدفه نصيبو الزفت بعتلو اياه هههه ..

    اليوم يلي بعديه .. فتحت المحل .. قعدت شوي
    الا اشوفلكم سيارة وقفت عن محل جيرانا .. جاري عندو محل للكهربا وتزيين السيارات وهيك شي ..

    المهم المحلكم السيارة .. سيارة صاحبنا مممممممم
    والله وانط ع محل جاري قال يعني اني زهقان ورايح اتسلا انا وياه ..
    واقعد معاهم ..

    ههههه اسمعتو بحكي لجاري ..
    بدي جهاز انذار للسيارة .. ع اساس لو مرت نمله من جنبو يزمر ههههههه
    انا اسمع الكلام واحس بقلبي الحنون مدا ازعاجي الو ههههه

    والله وجارنا ما طلع خياب ..
    جابلو جهاز انذار علالو الحساس ع الاخر ..
    واعطاه ريموت بيقدر يوقفو ويشغلو ..
    يعني بشغلو باليل وبطفيه الصبح ..
    وبما انو بكراج معناتو ما المفروض حد يقرب جنبها اصلا ههههه

    وانا اسمع هالحكي ... وتطلع من راسي ..
    كيف يعني !! .. ابطل اسلم عليه !! .. خلص .. جيم اوفر !! ؟ .. انتهت اللعبه ؟؟؟؟

    وارجع للمحل .. افكر افكر ( انا وانا بفكر .. برضو فكرت ليش افكر بهيك موضوع
    بس الفكره نفسها افتكرت انو انا لسا بفكر بهيك موضوع )

    يعني .. انا هلا لازم الاقي حل ..
    والله ومحسوبكم ابو الجوج تخطر ع بالو فكرة ..
    ضليت استنا الزلمه لما طلع ..
    ورحت ع جاري .. حكيتلو بدي ريموت نفس النوع يلي اعطيتو للزلمه ..
    وشرحتلو القصه .. مات ضحك وانا ع اعصابي بدي ريموت ..

    والحمد لله طلع معو ريموت تاني لنفس النوع ..
    واو ...
    هون بلشت معي المغامرة ..
    ما صدقت وخلص النهار ..
    وسكرت المحل و على السريع ..
    هههههه امشي بالسيارة زي المراقبين ..
    يلي بالشارع ع مشيتي بفكروني بالجنائه بتلفت يمين شمال ..

    المهم قربت ع السياره .. طلت السلاح ( الريموت ) .. وكبست ع صامت ..
    ونزلت ..
    قربت عليها اتاكد .. وضربتها خفيف .. تمام التمام ما في صوت ..
    مسكت القلم ..
    كتبت .. ع كل الشبابيك

    ( الرجاء عدم الخربشه ع السيارة .. تحت طائلة المسؤولية )

    اقسم بالله هههه اكتب اتفنن وبرضو اتخيل لو مسكني شو رح يعمل ...
    العالم تمر من الشارع ولا الي دخل ..

    خلصت كتابة ..
    وشغلت السيارة .. لما وصلت الاشاره وقطعتها .. شغلت الانذار والزمور هههه صوتو وصل لعندي
    ورحت ع البيت .. بدون ما اشوف شو رح يصير كان عنا ضيوف وكنت مستعجل


    (انا زهقت وانا بكتب .. حاسسها كتاب
    ع العموم يلي زهق يطلع ههههههه )

    اول امبارح سكرت المحل
    وطلعت بالسيارة
    وصلت عندو ..

    اييييييه .....وين اللافته ؟؟؟؟

    مفش لافته .. بح اختفت
    معناتو شايلها ؟

    ع السريع اجيب القلم ..
    بدون تردد اطفي الانذار ..

    كتبت ع بوز السياره بخط كبير

    ( يعني بقدر اكتب هلا .. مش ممنوع ؟ )


    وشغلت السياره
    وفركتها ..
    طبعا بعد الاشاره صفيت السيارة ووقفت .. واشغلكم الأنذار والزمووووووور ... هههههه

    الاقيه بلحظات .. والله يمكن 10 ثواني .. شكلو نايم ع باب الدار
    ينط زي المجنون باب الدار ويطلع حولين السياره .. ويركض شمال يمين يا حرام ..

    وانا قاعد بالسياره باكل شويه بزر ضلو من الصبح .. وبطلع .. ( بحضر مسرحيه ههه )

    ويا حرام الحزن يعود ع وجنتيه يفوت ع البيت مخيوب الامل هههه
    عارف اني دب بس والله هو يلي جبرني انكش راسي من غباه .. ذنبي؟ !!

    شغلت هالسياره وع البيت ..

    امبارح ..
    وانا مروح من الشغل ما لقيت السيارة .. ولا الافته ..

    هههههههه يا حرام .. ابصر وين صار يصفها ..

    قولتكم انا الي ذنب ....... وشو رايكم بلي صار هههه اوعا حد يعك بكلمه عني باكلو

    وبس ... هههههه
  2. معجبه عضو فعال

    رد: قصه صارت معي .....هه

    ههههههههههههههههههههههههههههههههههه
    عجبتني القصه
    ههههههههههههه احكيلنا كمان:d
  3. I~Am~LegenD عضو جديد

    رد: قصه صارت معي .....هه

    هههههههههههههه
    حلوة
  4. cool_ghassan عضو جديد

    رد: قصه صارت معي .....هه

    هههه
    منوره التوبيك بس القصص الي بصير معي نادره ههه
  5. cool_ghassan عضو جديد

    رد: قصه صارت معي .....هه

    هههه منوره يا قمر(h)
  6. لولي88 عضو جديد

    رد: قصه صارت معي .....هه

    شرير .. ياحرام الله يعينو .. ساويتلو قلق ..

    هههههههههههههههههههههه بس نهفة ..
  7. cool_ghassan عضو جديد

    رد: قصه صارت معي .....هه