ترضى انك تتجوزها؟؟؟؟؟؟؟

الموضوع في 'شباب تامر ستار' بواسطة mero love t, بتاريخ 08-10-2007.

  1. mero love t عضو جديد

    انا اولا حطيت التوبيك دا هنا علشان البنات تقراه قبل الشباب
    **************
    عاوز البنات تتأكد من حاجه
    ان الشاب عمره ما هيتجوز واحده غلط معاها
    طبعا اللى عارف هيقول ايه ياعم الموضوع القديم دا ما احنا عارفين

    بس الاكيد اللى انا متاكد منه ان الواحد والواحده لما بيحبوا بجد بيبقول خلصوا كلام الحب وخلصوا كل حاجه
    بيحاولوا يدوروا على سبيل اخر علشان يعبروا عن حبهم


    البنت لما بتحب بتحب بجد وممكن تعمل اى حاجه وهنا الخطر
    الولد كمان اكيد الاستعداد جواه لممارسه الحب ده بطرقه اللى احنا كلنا عارفينها

    ساعتها وبعديها الاتنين بيبقوا خلاص
    بيحسوا انهم بقوا روح وجسد واحد وانهم مش هيقدروا يفترقوا

    الولد يقول لنفسه "- هى عملت كده علشان بتحبنى -- وانا كمان اللى ساعتها -- يبقى ايه اللى فيها -- وبيبقى مقتنع بدا جدا جدا
    انها
    عملت
    كده
    علشان
    بتحبه

    طبعا البنت بتخاف انه يسيبها
    بتحاول تتقرب منه اكتر من الاول

    الولد يحس انها بقت زى الخاتم فى صباعه وان اللى عمله دا خلاها تتمسك بيه مش اكتر

    بالظبط هشبهالكم
    بالعقد الابتدائى اللى فيه بنود جزائيه

    لو روحت تشترى عربيه ومضيت عقد ابتدائى تبقى العربيه ان اتاكدت تقريبا انها ليك

    الشباب بقى كتير منهم بيسعى انهم يمضوا العقد الابتدائى دا مع البنت اللى بيحبوها علشان يضمنوا انها مش هتسيبه

    بس

    بعد

    وقت


    وزمن


    يجى معاد الجواز

    طبعا الاتنين بيحبوا بعض لدرجه الموت
    بس الولد كان بيفكر فى الكلام اللى فات بقلبه ومشاعره وربع عقل

    لما عقله يرجعله علشان يختار اللى هتعيش معاه للابد

    اللى هتبقى ام اولاده

    اللى هتشيل اسمه هيقول لنفسه الاتى:-

    ياعم دى غلطت معايا ----- بس ايه يعنى دى علشان كانت بتحبنى

    طيب هو انا بحبها --- اه بموووووووت فيها

    طيب وبعدين اعمل ايه انا محتار ليه -- متردد ليه؟؟؟

    ياع8م انت اهبل --- ما اهى اكيد هتربى اولادى على تربيتها

    بس اهلها محترمين ياعم

    اه فعلا محترمين بس هى عملت كده وشافت انه عادى وان بعديه اتجوزنا
    اولادى لو عملوا كده وحكولها هيبقى بالنسبالها عادى

    وبعدين مش عاوزين ننكر ان اللى حصل دا حرام

    وباطل

    وما بنى على بغاطل ---- فهو

    باطل

    لالالالالالالالالالالا
    تؤتؤ
    دى متنفعش بكل المقاييس

    هو انا اتهبلت

    انا اه بحبها وبموت فيها بس لا مش هتجوزها

    دا ملخص لحوار هيدور فى باله ساعتها

    ياريت مكنش طولت عليكم مع انى نفسى اكمل لان الموضوع دا اهم مما تتخيلوا يابنات
    **********************



  2. hatim timo عضو جديد

    مشاركة: ترضى انك تتجوزها؟؟؟؟؟؟؟

    عندك حق فكل كلمة قولتيها.........
    و الحقيقة المؤلمة انو ده هو الاغلب الي بيحصل

    حاتم تيمو
  3. *nour* عضو جديد

    مشاركة: ترضى انك تتجوزها؟؟؟؟؟؟؟

    جميل اوى يا ميرو انك اتكلمتى فى موضوع مهم زى ده:smily_7:
    وكلنا عارفين انه بقى بيحصل كتير جدا واكيد كلنا عارفين ناس حصل معاهم كدا سواء حد من اصحابنا فى الجامعه او اى مكان
    بصى انا مش هقولك ان ممكن يكون الولد مش بيحبها او بيضحك عليها والكلام ده كله لان ده حوار تانى خلاص
    بس خلينا فى اتنين بيحبو بعض بجد :wub:
    ودورو على سبيل تانى عشان يقربو بيه من بعض زى ما قولتى
    بس وقتها بيبقى كل واحد فيهم تفكيره فى دلوقتى مش فى اللي هيحصل بعد كدا
    ومش وحش ان البنت تضحى عشان اللى بتحبه بس لازم يبقى فى حدود يعنى تعرف التضحيه دى هتوصلها انه يضحى بيها هى فى الاخر ولا لا
    زى صاحبنا اللى كان بيكلم نفسه ده
    وفى الاخر قال تؤتؤ متنفعش:mad:
    بس هو مش كل الغلط عليه
    لازم اى بنت تعرف ان تفكير اى ولد كدا
    يببقى ساعتها بيفكر ازاى يقرب منها عشان بيحبها وكل حاجه
    بس لما بيفكر بعقله بيقول تؤتؤ مش دى:smily_1:
    وهتبقى البنت هى اللى خسرت حاجات كتير
    وهو هيخسر ايه يعنى كان بيحبها؟؟؟
    عادى هينساها ولا حتى لو مش نسيها
    هتعملى ايه بتفكيره فيكى بعد كدا يعنى

    وبعدين التنين عملو حاجه حرام من الاول مستنين ربنا يعملهم ايه
    يكملهم الموضوع عادى يعنى على خير
    ويبقو مثل ناجح لاى اتنين بيفكرو كدا
    يا سلامــــــــــ
    على كدا هنلاقى اى اتنين بيعملو كدا بعد كدا

    سورى طولت عليكى يا قمر

  4. mero love t عضو جديد

    مشاركة: ترضى انك تتجوزها؟؟؟؟؟؟؟

    ميرسى اوى يا حاتم انت ونور
    بجد مناشتكوا للموضوع بجديه اوى عشان فعلا الموضوع يستاهل المناقشه
    ياريت باقى الاعضاء يدخلوا يدونا رايهم
    الموضوع بجد خطير جداااااا
  5. actual_lover عضو جديد

    مشاركة: ترضى انك تتجوزها؟؟؟؟؟؟؟

    مرسي يا قمر على التوبيك
    بجد رائع
    ربنا يهدي الجميع
    وعشان كدجه انا علطول بقول بلاش من الحب ده من الاساس
  6. mero love t عضو جديد

    مشاركة: ترضى انك تتجوزها؟؟؟؟؟؟؟

    ليه بلاش حب
    عايز تحب ادخل البيت من بابه
    بلاش يأس
    وميرسى على المرور
  7. actual_lover عضو جديد

    مشاركة: ترضى انك تتجوزها؟؟؟؟؟؟؟

    اه صح
    انا كان كل قصدي انه بلاش من الحب قبل الزواج
    كل قصدي ان الحب يكون بعد الزواج
  8. mero love t عضو جديد

    مشاركة: ترضى انك تتجوزها؟؟؟؟؟؟؟

    وفى حب قبل الجواز بس للناس اللى عارفه ربنا وبتحترم بنات الناس
    ولو الولد بيحبها بجد هيدخل البيت من بابه
  9. Ahmed s و قل ربى زدنى علما

    مشاركة: ترضى انك تتجوزها؟؟؟؟؟؟؟

    موضوعيك مهم اوى يا ميرو بجد و كويس انيك طرحتيه للمناقشة هنا فى المنتدى و باتمنى ان البنات تاخد بالها و الولاد يحاولوا بتقوا الله فى اللى بيحبوهم ده لو عاوزين يستمروا .

    و شكرا يا ميرو على موضوعيك الرائع .
  10. mero love t عضو جديد

    مشاركة: ترضى انك تتجوزها؟؟؟؟؟؟؟

    ميرسى اوى على ردك
    وياريت البنات والولاد تتقى ربنا