اسعد الله مساؤكم موضوع متجدد والجراة مطلوبة تم اضافة الحلقة التاسعة

اسعد الله مساؤكم
:d
برنامج سيد ابو حفيظة بيقدموا فى قناة نايل كوميدى
لكن انهاردة
(h)
اسعد الله مساؤكم
برنامج
بيقدموا الشاب المجنون فى منتدى تامر ستار

والبرنامج مضمونة ان كل يوم مساءا
سنعرض موضوع انتشر فى مجتمعنا الفترة الاخيرة
ونشوف راى الاعضاء فى المواضيع دى
:smily_20:

بس الراى الجرئ وبس
وشعار البرنامج
راسك لو مرفوعة نزلها فى الموسوعة

ونبتدى اول حلقتنا انهاردة
اسعد الله مساؤكم
تحية كبيرة اوى
منى انا الشاب المجنون او ممكن تنادونى بفؤش

اولا يا رب تكونو بخير وسلامة
او حتى مش بخير خالص
مش مهم
المهم بقى
انى من كام يوم كدا وانا قاعد مع اصحابى
سمعت منهم قصة البنت اللى اتجوزت عرفى من ولد
والاتنين عندهم 15 سنة
استغربت قولت عيال لسة بيستعملوا الكفولة يتجوزوا
قولت ربنا يهديهم
فواحد قالى ربنا انتقم من الواد والبت
وقولتلو ازاى يا عم انت
قالى اخو البنت عرف راح ضرب الواد بسكينة فى بطنو
والبنت سيرتها بقت على كل لسان
من الاخر اتفضحت وبقى سيرتها على كل لسان
وشوف لسان الشعب المصرى الجزيرة متجيش حاجة جنبو

اديكوا عرفتو الموضوع بالظبط
عايزكو بقى زى الشطار تقروة تانى وتركزوا
وتقولولى رايكو
فى اللى بيحصل دا
فى الجواز العرفى
يعنى اية
عيال صغيرة تتجوز عرفى
ويا ترى حيعرفوا يخلفوا دلوقتى ولا حيستعينو بصديق
المهم انا مستنى اشوف رايكم فى الموضوع دا
وزى ما قولت سابقا يا ريت الجراة
والسلام ختام
واسعد الله مساؤكم

رد: اسعد الله مساؤكم موضوع متجدد والجراة مطلوبة

فكرة حلوة أويي يا أحمد..
تسلم أفكارك..


يسعدني أكون أول واحدة ترد على الموضوع..
قصدي تشارك في الحلقة..:d

ودعني أقول رأيي..
في الموضوع الحساس والخطير ده..

الموضوع فعلا منتشر بشكل كبير..
مش حقول بقى الأسباب والحيثيات ووو
لإن كل واحد وظروفه وكل واحد وأسبابه..
لكن عمر الدوافع ماتكون مبرر وشافع لأفعال كهذه..
مهما كانت..

الموضوع خطير ..
والأخطر إنه بيتسرب للفئات الصغرى
يعني مابقناش بنتكلم عن شباب الجامعة بس
لا دلوقتي دخلنا في شباب ثانوي
واعدادي كمان..
وبجد دي حاجة مؤلمة..
إننا نوصل للدرجة دي..
بصراحة اتصدمت من القصة..
يعني 15 سنة؟؟
تقريبا دول في عداد المراهقين..
لو لم أقل أطفال..:s:s:s

يعني ماينفعش نقول عن ده زواج..
وهو أصلا مش زواج..
احنا اللي بنسميه زواج..
لكنه في الحقيقة تنعدم منه أبسط شروط الزواج الصحيحة والشرعية..
وهو في الواقع مجرد علاقة محرمة لاشرعية فقط لا غير..

ده رأيي باختصار..
وشكرا للموضوع الهايل ده يا أحمد..
وبإذن الله أول ماشوف تفاعل وردود الأعضاء حثبته أكيد..

تقبل مروري..

أختك

شيماء

رد: اسعد الله مساؤكم موضوع متجدد والجراة مطلوبة

تسلم ايدك يافؤش
انتا عارف يااحمد والله انا شوفت في برنامج من سنهـَ تقريبا ولد وبنت اتجوزو بعض وهما عندهم 9 سنين او اقل كمان
ومعمول ليهم فرح تقريبا كول دا هو مش جوا جواز بس عشان تقريبا يضمنو انهم يكونو لبعض
مش فاكر الحكايه
بس كان منظر غريب جدا وانا اقول عمرهم مش يخلفو
او ممكن يخلفو لما اقرب انا
هههههههههههههههههههه
بجد معرفش
بس الل يجوز فوق 18 سنه يعني انا اجوز
ههههههههههههههه
نايس فوكيره يااحمد
وربنا يهدي الجميع بجد بقت ظاهره غريبه اوي ربنا يستر من المستقبل والحاضر

رد: اسعد الله مساؤكم موضوع متجدد والجراة مطلوبة

اولا مفيش اى اسباب يا شيماء
تضطر انهم يعملوا كدا
طب الكلام دا ماشى لو متخرجين من الجامعة
ممكن نقول عندهم اسباب ودوافع
لكن فى السن دا دوافع اية اللى ممكن تذكر

ودول فى عداد الاطفال فعلا
اصلا مظنش ان فية شعور تجاة بعض
فى السن دا
هما باين عليهم بيتفرجوا على التلفزيون كتير
ودا فعلا مش زواج
دول حتى مش من البالغين لا فى العقل ولا الدين
ورايك دا لية تقدير كبير عندى
وانشاء الله يكون فية تفاعل مع الاعضاء
وانتى بقيتى ضيفة مميزة فى الحلقة يا ريت
ارائك دى دايما
منورة يا شيماء
:d

رد: اسعد الله مساؤكم موضوع متجدد والجراة مطلوبة

البرنامج دا انا فكروا يا هيما
بس دا حاجة مختلفة
دا كانو عيلتين من الصعيد
عاداتهم وتقاليدهم
ان الواد يتجوز بت عمة
فعملوا قاعدة كبيرة وجوزوهم فعلا
حد حيقولى ازاى وهما معدوش السن القانونى
حقولكم ان الدين قال بمعنى ان الزواج اشهار وعلن
يعنى جواز شرعى وحلال
هو دا الموضوع يا ابراهيم
وبجد كنت ضيف لذيذ يا هيما
متعنا بارائك دايما يا ريت
وتابع معانا دايما
منور
:d

رد: اسعد الله مساؤكم موضوع متجدد والجراة مطلوبة

أمممممممم
حاجة مش غريبة فـ مجتمعنا
بس الغريب أنهم أتجوزا
أنا أعرف ان اللي في سنهم بيمشوا بس مش بتوع جواز
بس العتب مش على البنت ولا الولد
العتب على أهلهم هم السبب
هم اللي مش عارفين ياخدوا بالهم منهم

موضوع روعة يا أحمد
تسلم ايدك

رد: اسعد الله مساؤكم موضوع متجدد والجراة مطلوبة

الله يفتح عليكى
العيب من الاهل
الاهل لو كانو ربوا تربية سليمة وواخدين بالهم من ابنائهم
مكنش كل دا حصل
منورة يا اسراء
ويا ريت نعرف الحل اية

رد: اسعد الله مساؤكم موضوع متجدد والجراة مطلوبة

اولا : تسلم ع التوبيك
ثانيـــا: المشكلة مش فى السن . الجواز العرفى فى اى سن خطأ لأنة بيكون مش شرعى
فى لمصر بقى الجواز العرفى دا شىء اساسى لحوالى 400 الف حالة زواج سنويا اصبح شىء طبيعى
فى مصر وخاصة فى الجامعات
الكثير من المراهقين الان يتجوزون على اعتقاد ان الجواز العرفي محلل
لكننا نعلم انه غير معترف به انك لا تسطيع اعلان جوازك و لا تحمل المسؤليه ولا موافقه الاهل
فاي جواز هذا؟؟؟
انها رغبه ليست اكتر لكن انهم يتجوزون و من ثم يقولون سوف نعلن هذا عندما يحدث الحدث الفلاني او بعد ان نتخرج ......
وهذا ارتكاب بشع عند الله عز وجل
فعندما انظر الى مجتمعاتنا العربيه ارى اننا اصبحنا نقلد وبشكل اعمى المجتمعات الغربيه
الزواج العرفى هو تقصير من الفتاة فى حق نفسها وإستهتار منها فى ضمان حقوقها ومستقبلها
وايضا فى الجامعات . كان الله فى عون الشباب . البطالة زادت فى مصر
ومع عدم توافر فرص العمل يصبح التفكير في الزواج، وبناء الأسرة نوع من الترف الذي يجب أن يتوقف عنه الشباب والشابات.وبالتالي لجأ الشباب إلى مجموعة من الحلول المختلفة \ وإشباع الرغبات المتأججة في صدورهم، وإطفاء نيران الرغبة لديهم.

موضوع فعلا فى غاية الاهمية
ويجب الاهتمام بة
يسلمو وو

رد: اسعد الله مساؤكم موضوع متجدد والجراة مطلوبة

بسم الله الرحمن الرحيم وبه نستعين وعليه نتوكل
كويس انك لجئت اليا لانى وبلا فخر رجل قانون وانا بقى حاقولك حكم الجواز ده بس يا ريس

اولا الزواج لا يجوز للصبى الغير مميز الذى لم يكتمل سنه الى 18 سنة وفاقد الاهلية والمجنون
واساس الزواج هو الاشهار وليس فى السر
الزواج بغير شهود فاسد ، و من احكامه انه لا يحل للرجل فيه ان يدخل بالمرأه غير انه ان دخل بها كان عاصيا ووجب تعزيرهما و التفريق بينهما .
ب ـ الدخول الحقيقى فى العقد الفاسد يرتب آثارا منها ثبوت حرمة المصاهره ، و منها وجوب العده من تاريخ المفارقه او التفريق من القاضى بينهما ، و منها ايضا ثبوت النسب .
ج ـ مجرد الخلوه بها لا يترتب عليه شىء من ذلك .
و الله الموفق
والشرع لايعترف نهائيا بالزواج الشرعى ده راى القانون المصرى
ولكن الشريعة الاسلامية
واتفق الفقهاء جميعًا على أنه لا نكاح إلا بولي في المرأة الصغيرة والكبيرة ـ إلا أبا حنيفة في زواج الكبيرة ـ لما روى عن أبي موسى عن أبيه قال: قال رسول الله صلى الله عليه وسلم: "لا نكاح إلا بولي" وعن عائشة رضي الله عنها قالت: قال رسول الله صلى الله عليه وسلم: "أيما امرأة نكحت بغير إذن وليها فنكاحها باطل" وقد أخذ الأئمة الثلاثة بهذا الحديث فاشترطوا الولي ، فإن كانت المرأة بالغة أو ثيبا فزوجت نفسها فزواجها صحيح مع استيفاء بقية الشروط.

أما الزواج الذي اشتهر في هذه الأيام باسم الزواج العرفي فهو مغالطة وتسمية الأشياء بغير اسمها الصحيح فاسمه في الحقيقة "الزواج السري" وهو اجتماع الرجل مع المرأة فقط سرًا مع كتابة ورقة بينهما يعترف فيها الرجل بأنه تزوج المرأة حتى ولو كان هناك شهود على هذه الورقة فهذه مغالطة لتبرير فعلتهم، هذا بالإضافة إلى أن مثل هذا الزواج لا تترتب عليه آثاره.

كما أنني ألفت النظر إلى عدم الاستجابة إلى تقنين هذا الزواج ما دام قد تم في السر؛ لأن معنى هذا أننا نقنن لإباحة الزنا وفي هذا ما فيه من خطر على المجتمع وكثرة الأبناء غير الشرعيين (أبناء الزنا) وأيضا بتقنين هذا الزواج فإننا نقول للبنت افعلي ما شئت، واخرجي على طاعة الآباء والأولياء فتنقطع بذلك الروابط الأسرية وتتفكك الأسر.
وشكرا يا ميدو على طرحك الموضوع ده بجد الموضوع ده مهمم جدا

رد: اسعد الله مساؤكم موضوع متجدد والجراة مطلوبة

اولا
نايس توبيك يا احمد
تسلم
ثانيا
انا مستغربة جدا
عشان هما ما عندهمش العلم الكافي انهم يتجوزوا و يخلفوا
لا وكمان عرفي
يعني من ورا اهلهم
بس هما اكيد متأثرين بالمحيط و المجتمع
ممكن شافوا حالة كده
وبعدين 15 سنة يعني اوج المراهقة
ولخبطة ف الافكار و الاحاسيس و التصرف
ممكن يكونوا فاكرين انهم كبروا
او عايزين يثبتوا انهم كبروا

وبعدين الحقيقة احنا ما عندناش ابدا ظاهرة الجواز العرفي ف تونس
ابدا ابدا
عشان كده عمرها ما صادفتني حالة
بس لو كل ولد و بنت حبوا بعض و عندهم ييجي 15 سنة
اتجوزوا عرفي
بيوتنا هتتخرب
و اكيد المسؤولية الكبرى تقع على الاهل
اكيد البنت والولد دول اهاليهم مش مهتمين بيهم
وسايبينهم على هواهم
لدرجة انهم ما خدوش بالهم ان بنتهم او ابنهم اتجوز
فعلا ظاهرة خطيرة على الكبار
و بقت على الصغيرين دلوقتي :s