يوم النتيجة يكرم المرء أو يهان

الموضوع في 'شباب تامر ستار' بواسطة Nasir Eldien, بتاريخ 13-05-2012.

  1. Nasir Eldien عضو مسجل

    تخيل كده وانت مخلص امتحانات ورايق وفايق
    ونايم بعد الفجر بقى ومريش نفسك ومعمر الطاسه وكله اليستا
    وجيت تنام
    فجأه بعد ساعه من نومك
    جه السيد الوالد الفاضل
    (واخد بالك انت من الفاضل دى يعنى كله مات ومش فاضل الا هو)
    وبيصحيييك
    - اصحى يابنى .. انت يازفت
    تروح انت قايل فى سرك
    يانفخيييييي هو الراجل ده مستقصدنى بقى ولا ايه
    - ايوه يا بابا نعم ؟
    - قوم عشان تجيب النتيجه
    - نتيجه ؟ ليه هو احنا فى راس السنه ؟
    - راس السنه ايه يابنى قوم قووووووم قامت عليك قومه
    تروح قايل فى سرك
    كمان قامت عليه قومه ده انت بتحبنى اوي
    - طيب قايم اهو قااايم
    هو اليوم بيبان من اوله اما اقوم اكلم اى حد من صحابى يجي معايا
    ....................
    - الو .. انت ياحيوان .. تعالى معايا نجيب النتيجه
    - يانفخييي ياعم قول صباح الخير صباح اللى بتغنى صباح الدين الايوبى
    - طب يلا ياظريف عشان منتأخرش
    ......................
    - ماما .. ماماااا .. ياحاااجه .. ياعمره .. يادى النيله عليا مبتردش ليه دى
    - هاا عايز ايه يابنى
    - عاتى فلوز
    - مين ياخويا ؟ ايه عاتى فلوز دى كمان
    - يعنى شخللي جيوبك ونفضيها عليا
    - ايه الكلام اللى محتاج كتالوج ده .. فين المترجم بتاعك يابنى
    - يوووه ياماما هاتى فلوس ياماما
    - طب متقول كده .. منصور يابنى انشاء الله
    - هو انا رايح اجاهد ياحاجه ده ايه الناس الغريبه دى
    ...............................
    وبعد ماانت نزلت بقى ورايح تجيب النتيجه ومعاك صاحبك
    وفجأه شايف كله طالع يبص لدرجاته ويعيييييييط يعيييييط
    راح صاحبك قال
    - اهو هو ده بقى الفأل الحسن
    - فأل حسن .. طب مفيش فأل حسين .. امشى ياعم شكلنا ضايعين
    - طب مندور علينا
    .............
    وهوبا جبت النتيجه وطلعت مليااانه كحك وساقط وحلتك بالبلاوي
    ومروح البيت بقى وعامل نفسك عم سيلفستر استنونى انا جى اهو
    ومامتك تقولك
    - ها ياحبيبى عملت ايه فالنتيجه
    - ماما عازمك على اكله كحك جامده مووت
    - لابجد ؟ يبقى نجحت الف مبروك ياحبيبى
    تروح قايل فى سرك
    الوليه امى دى ست طيبه موووووووز
    تروح قيلالك
    - ورينى كده النتيجه
    - طيب شوفيها اهو
    - يالهوييييييي ياخراااشى تعالى شوف ابنك تعاااالى
    ابنك فاااااااشل
    - يوووه ياماما بضايق من الكلمه دى
    - بتضايق منها ؟؟ يافاشل يافاشل يافاشل
    .............................
    ابوك جالك بقى
    - يانهار ابوك اسود .. ايه الدرجات دى يالا
    - ايه يابابا اكيد فى غلط فيها ولا حاجه
    - فيها ايه ياعنيا ؟؟
    - فيها فيل .. يووه اصدى فيها غلط .. بس متقولش لحد
    - متقولش لحد ؟ .. طب تعلالى ياعم هيفاء وهبى
    زوووو زووو وضرب من هنا ومن هنا ومن هنا
    ومن هنا تنقل للمستشفى
    وتبقى أجازة ............. عليك وعلى الى جابك
    :p:p:p:p:p


  2. سوسو الحبوبة عضو مسجل

    رد: يوم النتيجة يكرم المرء أو يهان

    هههههههههههههههههههههههههههههههههه
    تجنن رووووووووووووووووووووعة
    *__*
  3. عازفة الامل عضو فعال

    رد: يوم النتيجة يكرم المرء أو يهان

    ههههههههههههههههههههههههههههه
    صـــــــــــــــــح
    تسلم ايدك
  4. Nasir Eldien عضو مسجل

    رد: يوم النتيجة يكرم المرء أو يهان

    ThNx U 4
    عازفة الأمل و سوسو الحبوبه
    MnORyN

  5. El3zazy عضو مسجل

    رد: يوم النتيجة يكرم المرء أو يهان

    HhHhHhHhHhH
    GaMeD Ya
    NaSiR ElDieN

  6. سوسو الحبوبة عضو مسجل

    رد: يوم النتيجة يكرم المرء أو يهان

    da nork *__*
  7. Nasir Eldien عضو مسجل

    رد: يوم النتيجة يكرم المرء أو يهان


    أى خدمة يا عزازى
    ;)
  8. Nasir Eldien عضو مسجل

    رد: يوم النتيجة يكرم المرء أو يهان

    بتحرجينى بذوقك
    :)
  9. أسيره الذكريات عضو فعال

    رد: يوم النتيجة يكرم المرء أو يهان

    ههههههههههههههههه
    جميله اووووووى بس المهم
    انا مش عايزه كده السنادى والنبى
    ربنا يسترررر على النتيجه يوم الاتنين بالليل
    عايزين كل اللى يدخل يدعلنا
  10. Nasir Eldien عضو مسجل

    رد: يوم النتيجة يكرم المرء أو يهان

    شكرا لمرورك
    بس النتيجة بتعتنا يوم الثلاثاء
    أما الأثنين الأوئل
    والحمد الله أنا مش منهم
    :)