ازيكم يااحلي يااعضاء عاملين ايه يارب تكونو كويسين طبعا جاه الصيف وكل واحد زهقان وطفشان وعايز يخرج ويصيع :d ويروح السينما وياكل فشار انا جتني فكرة هاخدكم معايا السينما :dبس بطريقة مختلفة فكرة الموضوع كل عضو يدخل يكتب موقف شافو او حصلو سواء مضحك او حزين بس مش يكون من فلم من حقيقة عشان تبقى سينمتنا مختلفة عن السينمات الحقيقة اتمنى الفكرة تعجبكم يارب .. اعداد الفكرة ..ريموواو MoOoN
رد: سينما تامر ستار هو موقف عادى مش مضحك اوى يوم من الايام كنا مع واحد صاحبى فى العربيه على البحر وهو ابوه محرج عليه انو ياخد العربيه من وراه بس هوا اخدها وكلنا ركبنا وقعدنا نلف بيها على البحر شويه وفجاه لقينا قدامنا لجنه وتفتيش زاتى واتفتشنا كلنا وطبعا الظابط عايز الرخص واحنا معناش قال الضابط لصاحبنا لاازم يا خد العربيه او ندفع غرامه ومحضر صلح وبتاع وطبعا كل ده واحنا واقفين قريب شويا وسايبين الولا هو اللى يتكلم مع الظابط ورجع الولا حكلنا على اللى قالهولو الضابط رد عليه واحد صاحبنا وقاللو طب تمام روح اسال الضابط عايز كام غرامه علشان ندفعا ظهرت معالم الفرح على وجه صاحبنا وراح علشان يسال الضابط عايز كام غراما بس المفاجئه بقى انه لما رجع مش لاقانا ولا حد فينا كان واقف واخد الضابط العربيه ولازم ابو الولا اللى يروح يستلمها ولحد دلوقتى الولا مش بيكلمنا خالص
رد: سينما تامر ستار حلو ده . خلينا نحكى اى حاجه تخص السينما و الافلام و اراء الناس فى الافلام اللى دخلوها و كده هيبقى مرجع لزيز . المهم انا كنت من اسبوعين كده اتفقت مع ابن عمتى هخلص امتحان و اعدى اخده فى طريقى و نروح ندخل سينما الساعه 1 و نص عشان انا بحب الحفله دى , المهم الطريق كان تيت و وصلنا متاخر فقلت خلاص هندخل حفله 3 و فعلا روحت السينما فى حفله الساعه 3 بس اتاخرنا شويه حوالى ربع ساعه بسببى عشان عملت مشوار فى النص كده المهم وصلت و بسال على الفيلم قلت هدخل متاخر و خلاص انا شفته قبل كده اصلا فطلع الفيلم بيتعرض فى حفلات معينه و مش هيتعرض دلوقتى و انا لسه مصمم ادخل الفيلم النهارده بردو :d , فى الاخر خدنا بعضنا و طلعنا على سينما تالته و دخلت الفيلم حفله الساعه 6 (h) بس كان يوم لزيز .
