:: يمين طلاق ::

الموضوع في 'الإستفتاءات و النقاشات' بواسطة judge, بتاريخ 09-04-2011.

  1. judge عضو فعال

    ازيكوا يا احلى اعضاء
    ورجعنا تانى لموضيعنا ونقاشنا

    وموضوع انهاردة اللى جاي اتكلم معاكوا فيه

    هو


    يمين طلاق

    اكيد كلنا عارفين اليمين دة وخطورته على الاسره

    عامل ازاى


    بس للاسف فى الكتير منا بيستعمله

    دة حتى الشباب قبل ما تتجوز اصلا
    تلاقيهم بيحلفوه


    والمتجوزين بقى

    فإن بعض الرجال اعتادوا إلقاء ذلك اليمين على كل تافه من الأمور
    حتى أصبح على ألسنتهم أسهل من تأدية السلام
    أو إلقاء تحية الصباح أو المساء.


    ويقولك اصلى كنت غضبان
    والمفروض الزوجه تسمع الكلام علشان تحافظ على بيتها واسرتها


    طيب ماتمسكش لسانك ليه
    يقولك اصلى عندى 3 فرص
    طيب افرض فرصك خلصت
    هتعمل ايييييييييييييه
    ؟؟؟؟؟؟؟؟؟؟؟؟
    بجد مشكله رهيبه وكتير من البيوت بتدمر بسبب الحلفان دة
    ياريت اللى عنده سبب يقوله وميقوليش غضب
    وياريت نحس قد ايه كلمه بسيطه
    ممكن تاثر ازاى على حياتنا
    ومستقبلنا

    1 شخص معجب بهذا.
  2. تيمورية واكثر عضو فعال

    رد: :: يمين طلاق ::

    فعلا هيا كلمة بسيطة بس بدمر عيلة كاملة
    عشان كدا الانسان لازم يحاول يسطر على نفسه
    ويحاول لما يتعصب يضبط نفسه مش يطلق وخلاص!!
    وماتوقعش في اسباب تانية غير العصبية

    تسلم ايدك
    موضوع جميل
  3. judge عضو فعال

    رد: :: يمين طلاق ::

    شكر ليكى يا مجد وعلى تحليلك الصائب
  4. همسة فرح عضو جديد

    رد: :: يمين طلاق ::

    موضوع منتشر وغريب جدااا..

    الحلفان بالطلاق..

    شيء مرفوض ..

    لا معنى له ولا داعي..

    صحيح هي كلمة

    لكن قد تدمر في لحظة أسرة بأكملها..

    الموضوع ليس فقط مسألة عصبية

    بل استهتار

    نعم استهتار بالكلمة
    دون وعي بخطورتها

    استهتار جعلها كلمة متداولة

    بل وقد تدخل في سبيل الدعابة,,

    ولا دعابة ولا مزاح في مثل هذه الأمور

    لأن ثلاثة جدهن جد وهزلهن جد كما ذكر الحبيب صلى الله عليه وسلم

    منها الطلاق..

    فحتى الهزل فيه جد..

    فما بالك بالحلفان وكثرة الحلفان به..

    المشكلة إن أحيانا الزوجة بتكون في بيتها عادي

    والزوج بره بيتخانق مع صحابه على أمور تافهة

    فيقول عليا الطلاق كذا وكذا..

    وهي لا دارية ولا حاجة..

    قمة الإستهتار وانعدام الإحساس بخطورة الأمر..

    والإستهانة به..


    لازم وعي..
    ولازم إعادة نظر في الأمر..

    شكراا على الموضوع يا محمد..

    تقبل مروري..

    أختك

    شيماء
  5. Ahmed s و قل ربى زدنى علما

    رد: :: يمين طلاق ::

    فعلا فى ناس كتير على لسانها الكلمه دى , بس فى ناس تانيه بتخاف حتى تقولها لو بهظار او تقولها كده .
    و بعدين الشاب من دول ممكن يدور على حاجه تانيه يحلف بيها , يعنى ممكن يحلف بسماها و بترابها زى عبد الحليم :d
  6. | YaSm!nE | عضو جديد

    رد: :: يمين طلاق ::

    معرفش حاجة عن الموضوع ده
    ما عشتش حاجة زي كده يعني
    اصل احنا ما عندناش يمين طلاق زيكم
    بس هو مشكلة فعلا
    يعني عشان عصبيته الزايدة يقوم مطلق مراته
    و كمان على اتفه حاجة
    و في كمان رجالة بيستعملوها عشان يهددوا بيها ستاتهم
    عشان يفهمها ان كل حاجة ف ايده
    و ان مستقبل العيلة مربوط بكلمة منه
    و ده غلط !
    تسلم ايدك محمد
  7. Ahmed s و قل ربى زدنى علما

    رد: :: يمين طلاق ::

    بتقولى انتو معندكوش فين ؟
  8. | YaSm!nE | عضو جديد

    رد: :: يمين طلاق ::

    ف تونس
    ما عندناش الست بتتطلق بكلمة
    و ما عندناش حاجة اسمها يمين طلاق اساسا
    لو اي طرف عايز يتطلق
    يتفاهموا و يتطلقوا بالمحكمة
    ده اسمه طلاق بالتراضي
    و لو طرف بس عايز يتطلق
    وطرف مش راضي
    يبقى اسمه طلاق انشاء
    و يحصل الطلاق بردو لو في دوافع كافية للطلاق
  9. judge عضو فعال

    رد: :: يمين طلاق ::

    إزاى يعنى معندكوش طلاق هو انتم مش بتتبعوا الدين الإسلامى وبعدين اللى انتى بتقولى عليه ده خلع وبعدين الطلاق ده حق إلا لو كانت العصمة فى يد الزوجة وده يبقى خراب مستعجل:)
  10. wahibaa عضو جديد

    رد: :: يمين طلاق ::

    اه في المغرب كمان
    و يمكن في كل المغرب العربي
    مش كده????