مطالب الشعب العربى

الموضوع في 'الإستفتاءات و النقاشات' بواسطة judge, بتاريخ 05-03-2011.

  1. judge عضو فعال

    بسم الله الرحمن الرحيم
    فى التوبيك ده الناس اللى مقدرتش تنزل فى قلب الاحداث وتعبر عن مطالبها فى التوبيك ده بإذن الله حاتقول كل اللى هى عايزاه فى الوطن واحسن حاجة ان اعضاء تامر ستار من انحاء الدول العربية
    وده حايجعل الاراء اكتر والمطالب اكتر

    انا حابدا بإذن الله

    من مصر

    1_ اطالب بتحقيق الشريعة الإسلامية بكل حذافيرها وقوانينها واحوالها الشخصية ممكن واحد يقول والمسيحيين ليهم حق فى البلد انا بقولهم انهم حاكونوا موجودين فى مصر اعزاء كرماء لان مصر بلد إسلامية والديانة الرئيسية هى الإسلام ولذلك يجب تطبيق الشريعة الإسلامية وإعفاء الشعب من الضرائب مقابل الزكاة وعلى الاقباط الموجدين فى مصر دفع الجزية مقابل إعفائهم من الزكاة وأداة الخدمة العسكرية وترك القوانين الفرنسية التى لاتمس باى صلة بالدين الاسلامى


    2 شخص معجب بهذا.
  2. tareq al ahlawy عضو فعال

    رد: مطالب الشعب العربى

    انت دايما كده بتحط مواضيع زى الفل يا كبير :d
    انا معاك فى مطالبك لان مصر دوله اسلاميه والاسلام هو اللى هيبقى ماشى ع الكل فى مصر
    مع احترامى للاخوه المسيحين انت فى بلدك اكيد بس ديه بلد اسلاميه
    وفى الاخر الدين لله والوطن للجميع
    اما بقى مطالبى :d
    * انا بطالب ان الناس اللى فى التحرير دول يمشوا بقى كفايه
    قالوا مش هنمشى من التحرير الا لما مبارك يمشى وتتحقق مطالبنا
    مبارك مشى والنظام بتاعه مشى قاعدين ليه ؟
    قالوا مش هنمشى الا لما اللى معتقلين يخرجوا وكان من ضمنهم اللى اسمه وائل غنيم
    اللى هو فاكر نفسه بطل الثوره وطلع فى البرامج يعيط
    ومفيش دمعه نزلت منه ;)
    ماعلينا الراجل خرج والناس خرجت قاعدين ليه تانى ؟
    قالوا مش هنمشى الا لما احمد شفيق يمشى
    طب ليه ؟ كان ردهم ؟ الراجل ده من النظام اللى فات الفاسد
    طب الراجل بقاله شهر ماسك والراجل محترم جدا المفروض نديله فرصه
    يشوف شغله ولا معجبناش التحرير موجود :d
    مشى احمد شفيق وجيه واحد وزير نقل سابق
    ونزل فى التحرير ادى اليمين هناك يعنى ان شاء الله كده الرئيس الجديد
    هينزل التحرير يأدى اليمين هناك ؟
    كده احنا زودناها اوى كفايه بقى ونسيب الناس تشوف شغلها
    واللى ميعجبناش ع التحرير ع طول :d بس نديهم فرصه
    ان شاء الله لما منتخب مصر يخسر متش جنوب افريقيا اللى جى هنروح التحرير
    لاسقاط حسن شحاته :D
    انا مطلبى يا كبير الناس اللى فى التحرير يهدوا كده ويروحوا بقى
    بس كده :d
    تسلم ايدك يا كبير ع التوبيك
    اصلى :)

  3. judge عضو فعال

    رد: مطالب الشعب العربى

    شكرا يا طارق على تعليقك ومطلبك هو مطلب صح بس الناس بتقعد فى الاجازة ووقت الراحه وده كان اخر يوم فى الاعتصام يعنى ماتقلقش هما حايرجعوا وبالنسبة لحسن شحاته ( تاجر البهايم ) ماتقلقش مش حايمشى هو لازق بغراء فى المنتخب

  4. همسة فرح عضو جديد

    رد: مطالب الشعب العربى

    الفكرة بجد رائعة وأحييك عليها..
    وإنت دوما يا محمد مواضيعك تستحق الإهتمام والمتابعة..

    هذا الموضوع سيكون بمثابة منبر لكل من له مطالب شعبية ثورية سياسية
    سيكون ميدان تحرير آخر ولما لا..

    موضوع سنقول كل مانريده فيه بكل حرية
    سنثور من خلاله لكن بسلمية..
    ممكن أن نتناقش فيه
    مع احترام آراء بعضنا البعض لأن اختلاف الرأي سنة كونية
    وضرورة بشرية
    واختلاف الآراء لا يفسد للود قضية..

    تحية لك يا محمد على الموضوع..

    ومثبت

    لأهميته

    فلكل منا مطالبه وأحلامه وآماله التي يحب أن يراها في مجتمعه وبلده..
    وما أجمل أن نعبر عنها
    والأجمل أن نحققها..

    في انتظار تفاعل باقي الأعضاء

    ولي عودة بإذن الله

    تقبل مروري

    أختك

    شيماء


  5. Mohamed Mogahed عضو فعال

    Re: رد: مطالب الشعب العربى

    انت عارف لو مكنتش تايب
    كان زمانى طلعت خنقه اليوم كلو فيك :D

  6. tareq al ahlawy عضو فعال

    رد: Re: رد: مطالب الشعب العربى

    ياراجل :d
    يعنى انا مش صح فى كلامى كل واحد عايز حاجه يطلع ع التحرير
    متسيبوا الناس تشوف شغلها :d
    بس مش من يوم وليله نمشى ونقعد اللى على مزاج ناس مش مكملين مليون حتى
    يعنى باقى الشعب ملوش رأى؟ :d