[شرح] انشاء موضوع جديد ((للأعضاء الجدد))

الموضوع في 'الارشيف' بواسطة mogahed, بتاريخ 08-04-2009.

  1. mogahed عضو جديد

    بسم الله الرحمن الرحيم

    النهردا هنشرح ازاى نعمل موضوع جديد
    لان انا بصراحة لاحظت ان معظم الأعضاء الجدد مش بيعرفو يعملو مواضيع
    فقررت انى اعمل موضوع عشان الناس الجديدة دية.

    هنبدأ ان شاء الله من الأول خالص .

    بص يا سيدى
    اول حاجة هنختار المنتدى اللى احنا عايزين نعمل الموضوع دا فيى .. وليكون مثلا اخبار تامر حسنى .. بسهولة جدا هنيجى على منتدى اخبار تامر حسنى دا .. ونتك علية مرة بس بالماوس .. تمام ؟ اه تمام !
    والصورة هتوضح اكتر طبعا ..
    [IMG]
    تانى حاجة يا عم الحج ..

    بعد ما نخش على المنتدى اللى هتعمل فيى الموضوع .. اللى هوا هنا مثلا .. اخبار تامر حسنى .. هتلاقى المواضيع اللى عاملها غيرك .. وهتلاقى كلمة ((موضوع جديد )) اللى موضحة اكتر فالصورة .. هتتك عليها مرة واحدة بس بالماوس ..
    [IMG]
    تالت حاجة بأى يا باشا ..

    لما نتك على موضوع جديد بالماوس هنروح لصفحة جديدة طبعا .. واللى فيها الشغل اللى حضرتك هتعملو .. اللى هوا ممكن يكون (( كتابة ، صور ، فيديو ، فلاش )) او اى ملف مرفوع ..

    طيب الكتابة مثلا .. اكتب فيييييييين ؟

    سهلة اوى يا عم .. بص عالصورة اللى تحت دى وهتفهم كل حاجة ..
    [IMG]
    رابع حاجة بأأأأأى ..

    دلوأتى هتعمل حاجة سهلة اوى .. ومش محتاجة خالص .. هتنزل تحت شوية تحت الكلام اللى انتا كتبتو يعنى .. هتلاقى كلمتين كدا جنب بعض .. (( اعتمد موضوع جديد ،، معاينة المشاركة )) طبعا احنا هنضغط على اعتمد موضوع جديد عشان نخلص .. بس لو عايز تشوف شكل الموضوع هيكون ازاى .. يبأى هتضغط على معاينة المشاركة .. زى ما موجود فالصورة ..

    [IMG]
    يا ريت يكون ربنا وفقنى فالشرح ..انا عارف انو مش اد كدا يعنى ..بس يا رب اكون قدرت افيد اى حد منكم ولو بكلمة .

    ولو اى حد عايز اى سؤال .. انا مش بمشى من هنا اساسا ..


  2. DonT CaRe :: مراقب عام ::

    رد: [شرح] انشاء موضوع جديد ((للأعضاء الجدد))

    اصلى يا مجاهد ..

    :smily_20::smily_20:
  3. mido mirage 2000 عضو موقوف

    مشاركه : [شرح] انشاء موضوع جديد ((للأعضاء الجدد))

    هههههههههههههههههههههههههههههههههههههههه
    اصلى ياض وربنا هههههههههههههههههههههههههه
  4. skystar عضو فعال

    رد: [شرح] انشاء موضوع جديد ((للأعضاء الجدد))

    والله جاامد ياا مجاهد
    اصلى ياا معلم
  5. mogahed عضو جديد

    مشاركه : [شرح] انشاء موضوع جديد ((للأعضاء الجدد))

    تمام يا جماعة .. بس انا عايز جدد .
  6. تيمورية واكثر عضو فعال

    مشاركه : [شرح] انشاء موضوع جديد ((للأعضاء الجدد))

    انا جديدة ههههههه
    ميرسي ع الموضوع مهم اوي والله
  7. دلوعة مجروحة عضو جديد

    رد: [شرح] انشاء موضوع جديد ((للأعضاء الجدد))

    ميرسى دى هتسهل ع ناس كتير(h)(h):smily_20:(h)
  8. alaa15 عضو جديد

    رد: [شرح] انشاء موضوع جديد ((للأعضاء الجدد))

    تمام يا باشا

    الموضوع ه هيفيد ناس كتير اوى
  9. mogahed عضو جديد

    رد: [شرح] انشاء موضوع جديد ((للأعضاء الجدد))

    منورين يا جماعة .
  10. M_MAIKY عضو جديد

    رد: [شرح] انشاء موضوع جديد ((للأعضاء الجدد))

    تسلمى على الشرح الجميل دة
    شكرا على التوبيك